Fransada “Qazax” adlı qrup yaranıb
Fransada yaşayan, əslən azərbaycanlı musiqiçi Frederik Qazaxbəyli orada “Qazax” adlı qrup yaradıb. Qrupun proqramına Azərbaycan el havaları daxil edilmişdir.
(ətraflı…)
Share on Facebook
Archive for the ‘Fexrlerimiz’
Ağamalı Sadiq Əfəndi
Əfəndiyev Ağamalı Əhməd oğlu
Şair, Nasir, Azərbaycan Yazıçılar Birliyinin üzvü.
Ağamalı Sadiq 1947-ci il martın 8-də Qazax rayonunun Qaymaxlı kəndində ziyalı ailəsində anadan olmuşdur. Burada orta məktəbi bitirmişdir (1964). Əmək fəaliyyətinə Sumqayıt superfosfat zavodunda elektrik mantyoru kimi başlamışdır (1964-1972). ADU-nun jurnalistika fakültəsində təhsilini davam etdirmişdir (1972-1977). “Yazıçı” nəşriyyatında korrektor (1978-1981), “Maarif” nəşriyyatında redaktor (1983-1986), “Ulduz” jurnalında ədəbi işçi (1986-cı ildən) vəzifələrində çalışmışdır. 1979-cu ildən şeir, hekayə və publisist yazıları ilə dövri mətbuatda müntəzəm çıxış etmişdir. Əsərləri rus və özbək dillərinə tərcümə olunmuşdur.
1995-ci il dekabrın 24-də vəfat etmiş, doğma kənd qəbiristanlığında dəfn olunmuşdur.
Share on Facebook
Nəriman Həsənzadə Əliməmməd oğlu
Doğum Tarixi: 1931
Doğum Yeri : Qazax
Həsənzadə Nəriman Əliməmməd oğlu — şair, dramaturq, 1954-cü ildən AYİ-nin üzvü, Azərbaycanın Əməkdar İncəsənət xadimi (1981), filologiya elmləri namizədi (1965), Azərbaycan Respublikası Ali Sovetinin deputatı (1990) – 1931-ci il fevralın 18-də Azərbaycanın Qazax rayonunda anadan olmuşdur. H.Zərdabi adına Kirovabad Dövlət Pedaqoji İnstitutunun dil və ədəbiyyat fakültəsində təhsil almışdır (1949-1953). Moskvada Maksim Qorki adına Ədəbiyyat İnstitutunda təhsilini davam etdirmişdir. «Ədəbiyyat və incəsənət» qəzetinin baş redaktoru vəzifəsində çalışmışdır (1978-1991). Dövlət Mətbuat Komitəsinin sədr müavini olmuşdur. (1991-1993). Belarusiya SSR Ali Soveti Rəyasət Heyətinin Fəxri Fərmanı (1975) və bir medalla təltif edilmişdir.
Share on Facebook
