Quantcast

Qazax Information Center

Yeni WordPress Saytı

İNCƏDƏRƏSİ QIZLARI

Aprel 15, 2010 By: qazax Category: Şer

Sevdirir hər an özünü,
Süzür o qara gözünü.
Deyir, hər an xoş sözünü,
İncədərəsi qızları.

Qazax gözəlidir onlar,
Elin əzəlidir onlar.
Şair qəzəlidir onlar,
İncədərəsi qızları.

Sərin bulaq üstə enən,
Xəyalla alışıb, dönən.
Bəxt ulduzu yanıb, sönən,
İncədərəsi qızları.

Dostluqda saf vəfalıdır,
Könlü coşqun, səfalıdır,
Etibarlı, cəfalıdır,
İncədərəsi qızları.

Uymaz özgə şirin dilə,
Kəmər taxar incə belə,
Sevilər obaya-elə,
İncədərəsi qızları.

Uzun hörüklü teli ilə,
Zəhmətsevər öz əli ilə,
Öyünər Qazax eli ilə,
İncədərəsi qızları.

Aslanbəyli çiçəkləri,
Qaymaqlının göyçəkləri,
Kəmərlinin ləçəkləri,
İncədərəsi qızları.

(müəllif:Sevinc İncəli)

AY INCƏDƏRƏM

Aprel 14, 2010 By: qazax Category: Şer

Qoynunda məclisim xoş keçir hər an,
Xoş günlər keçəsən, ay İncədərəm,
Aman verin xəbər alım sazından,
Şirin söz biçəsən, ay İncədərəm!

Hər kəndinin bir dastanlıq sözü var,
Hər odunun doğma yanan közü var,
Unutma! uzaqda ellər qızı var,
Mənəm sənçün əsən, ay İncədərəm!

Dolandım başına inan ki, xeyli,
Sənə baxan varmı, bəs yad nəzərli?
Kəmərli, Qaymaqlı, baş Aslanbəyli,
Könül oxşar desəm, ay İncədərəm!

Ümidsiz insanam, ümidim oldun,
Həm arxam, dayağım, gərəyim oldun,
Sanma el qızıyam, sən unuduldun,
Sənsiz ki, mən heçəm, ay İncədərəm!

(müəllif: Sevinc Incəli )

Sevinc İncəliyə öz təşəkkürümüzü bildiririk…

(daha&helliip;)