Qurban Musayev Məmməd oğlu
Qurban Musayev Məmməd oğlu 1926-cı il mayın 24-də Qazax rayonu,İkinci Şıxlı kəndində anadan olmuşdur.Burada kənd orta məktəbini bitirdikdən sonra 1947-ci ildə Azərbaycan Dövlət Pedaqoji İnstitutunun Azərbaycan dili və ədəbiyyat fakültəsinə daxil olmuşdur.1951-ci ilde İnstitu müvəfəqiyyətlə bitirmişdir.1951-ci ildə Laçının Minkənd adlı kəndinə müəllimlik təyinatını almışdır.1960-70 ci illərdə Qazax rayonunda sarıvəlli kənd orta məktəbinin direktoru olmuşdur.Dövrü mətbuatda hələ tələbəlik illərindən çap olunmağa başlamışdır.Əsasən xalq şeri üslubunda yazan şairin əsərləri forma və məzmun ,mövzuca zəngin və rəngarəngdir.” Mən Qoca Palıdam (1991) “, “Mən Ocaq Yeriyəm (1993) ” və ” Mən Belə Qurbanam (1997) ” adlı üç şer kitabı nəşr olunmuşdur. “Əlaçı maarif işçisi” adına layiq görülüb.
1997-ci ilin payızında vəfat edib.İkinci Şıxlı kənd qəbirsanlığında dəfn olunmuşdur.
Qazağın
Gəzib görməyənlər oxuyub bilsin; Hər yanı gül-çiçək ,bağdı Qazağın ! Solunda Dilcandı,sağında Tiflis, Arxası dost ellər-dağdı Qazağın ! *** Qocaları dəyanətli,dirəkli, Gəncləri vüqarlı,haça ürəkli. Süfrələri geniş,duzlu çörəkli, Kənd-kəsəyi çıl-çıraqlı Qazağın ! *** Bir vaxt Molla Pənah çaylartək coşdu, Elat gözəlinə dastanlar qoşdu. Dedi:”Vətən üçün ölmək də xoşdu”, Bu dərd sinəsində dağdı Qazağın ! *** Salik Vidadisi şer həvəsli, Əliağası var,topu gur səsli… Mehdisi, Osmanı bahar nəfəsli, Vurğunu ölməmiş sağdı Qazağın ! *** Desəm , bizə söz də şirin nemətdi, Kimsə deməz Qurban sözün qələtdi. Ədalətin sazı Şərqə şöhrətdi, Hər yarışda üzü ağdı Qazağın ! Vurğunu ölməmiş sağdı sağdı Qazağın !Share on Facebook
